Claire Emslie

Claire Emslie (talaffuzi: Kler Emsli; 1994-yil 8-martda tugʻilgan) — shotlandiyalik futbolchi, Amerika Qoʻshma Shtatlari Ayollar futboli milliy ligasi Angel City klubi va Shotlandiya terma jamoasi hujumchisi. Claire ilgari Florida Atlantic Owls va professional tarzda Hibernian, Bristol City, Manchester City, Orlando Pride, Melburn City va Everton klublarida futbol oʻynagan. 2013-yilda xalqaro debyutini o‘tkazdi va 2019-yilgi FIFA ayollar o‘rtasidagi jahon chempionatida Shotlandiya terma jamoasiga qoʻshildi. Emslie musobaqadagi birinchi golini urdi va Shotlandiya terma jamoasi safida Jahon kubogi finalida gol urgan birinchi ayol boʻldi.